Pejalai ku ke Betong

Ujung minggu siti nyin tadi aku bisi mulai kedirik ngagai menua Betong laban ke lelenggau ka anak aku enggau mak ia hehe..Maya nyak anak aku baru berumur 3 minggu. Maya aku ka nulis tu ia dah sebulan. Kemari berat ia 4.3kg. Ketegal ka lelengau tu tadi aku alu berunding ka pulai ke Betong ngabas seduai. Nama kena aku?, ko aku nanya diri empu. Motorsikal ka kereta? Puas-puas ka berunding aku lalu talipun ngagai bini aku alu nanya runding ia. Suka ati nn lah ko ia. Motorsikal tauk meh, anang laju-laju be careful ko ia. Meda ka macam nyak aku lalu mutus ati pulai ngena motorsikal.

Aku mupuk ari menua mayau kira-kira jam 2 lemai. Kira-kira sepengelama 4 jam aku duduk atas motorsikal aku pan datai di Betong dalam pukul 6 lemai. Nyadi ditu bisi sekeda gambar ka sempat diambik aku maya nyak lalu bisi mega gambar maya bala bikers Kuching ngadu pameran di Waterfront senuduk enggau pengawa Gerempung Polis menua Malaysia enggau Polis Menua Kalimantan Barat, Indonesia

Sekeda ari motorsikal besai ka bisi maya nyak. Bisi 45 buah motorsikal

Tu Yamaha R1

Yahama RoyalStar

Tu enda ingat ku apa jenis motor

Sempat gak aku begambar melakang ka motorsikal

Hahh tu ia...bala sekeda ke ka benung digiga Polis heheh..nadailah bala kaban aku tu Richie enggu Alvin

Pulai aku ari Betong aku singgah di menua aku empu. Anak buah aku twin...cukup mancal...

Aku ngetu di kedai enda jauh ari jambatan di Serian laban ari ka ujan. Nasib gak sempat beteduh sebedau ujan.

Mayuh motorsikal maya pameran

Anak buah aku benung ngadu gudi...ingat ka maya main gudi agik rambau sidak 3 tu

Pulai ari Betong aku singgah di Lachau makai mee..lapar bendar bai terentak sepanjai jalai. Ba kedai tu meh, bala sidak tourist guide mai bala tourist sidak makai.

Paking ba depan rumah singgah di menua aku empu makai sup babi babas bulih ika aku...fuhhh..licin 2 mangkuk..

Tu bansa mee ka diempa aku di Lachau..boleh tahan gak...

Ngetu enda lama di Bukit Bengunan semadi ka ngedar ka urat alu ngambik gambar..

Tu maya aku ngetu di Jelukong ngirup kola..aus panas ari...

Sempat gak ngetu ba Hosana Chapel

Sri Aman 59km penyauh pejalai aku dah tu

Ba simpang Betong..muai ai sekeda enda alah tat ka agik..

Minggu tu aku mega bisi plan ka pulai ke Betong baru ngena motorsikal aku tu mega. Ngarap ka ari manah enda ujan. Nyadi naka tu dulu ari aku..Peace No War..

Umai Bukit

Kerja bumai bukit tu endang siti pengawa bansa kitai Iban ari aki inik kitai kelia sampai ka diatu. Pengawa tu tu selalu ia diadu ba pun taun enggau tengah taun. Bisi sekeda orang bumai sekali setaun lalu bisi mega dua kali setaun. Nyadi pun taun tu tadi aku bisi mantu nulung menyadi aku bumai bukit. Umai enda gak tentu besai tang umbas ia di-intu. Ari ka nasau babas rimba sampai ka ngetau makai beras baru, pengawa tu dikereja ngena chara beduruk tauka gotong royong. Pengawa ka berat baka tu enti dikerja ngena chara beduruk tau nyadi lempong laban dikerja ngena ati ti rindu ba sama diri. Nyadi baka ka taun tu, ulih gak ngasai nyepi beras baru.

Heroin menih padi sari nyak hahaha

Tu maya ngetu makai tengahari

Haha mum benung nyembi padi

Sekeda ari padi ka udah diproses...umbas ya gak bulih padi taun tu

Nyau chapoh cidak betundi ka panggan diri maya ngetu..

Benung menih padi ngagai lubang ka udah ditugal sidak ke lelaki

Sidak penugal benung ngetu belelak semadi nganti orang indu ka menih

Tu sekeda ari bala ka bisi enggau nugal

Enda entu anggus umai laban ka balat ujan lalu enda entu rangkai rebak maya ditunu

Sidak indu benung kiruh menih

Hero-hero sari nyak...

Tu tukang masak kami...

Fuhh..ngetu enda lama...

Nyau ka mansau bubur kacang ijau enggau lauk ka dipanduk..

Palan endur kami ngetu tengahari maya nugal nyak

Naka aku ka naip tu, semua pengawa bumai udah tembu dikerja. Diatu benung kiruh nungku padi lalu nyembi. Udah tembu semua baru padi di-injin ngambik ka nyadi beras. Baru ulih makai beras baru. Nyak ajak dulu auk. Ila Betemu baru..Peace No War..

Snow Bites ?

Benung aku dunga-dunga meda tv kediri, bisi gak bala kaban ka ngacau talipaun mai lepak. Meda tak nadai pengawa tambah mega boring aku pun alu setuju keluar lepak. Dini alai lepak deh kaban? ko aku. Ia pan nyaut, ditu ahh ba Snow Bites. Snow Bites? Enda kala aku ninga tempat tu ko aku madah agai ia. Ishh igak gak enda nemu, ko ia nambah agik. Ba Batu 3, jalai nuju agai MJC. Puas-puas aku berunding ke tempat tu ia madah enti nurun ari MJC ngagai Bt 3, Snow Bites tu lepas Station Minyak Shell, ko ia. Owh...ok auk meh lagi aku ngiga gak, ko aku malas baru.

Dah nyak aku pun begari alu start ka kereta alu mupuk. Puas-puas mata kinau-kinau ngiga tempat tu, aku pan alu tepeda ka signboard Snow Bites ari seberai jalai nuju ngagai MJC. Datai ba traffic light ba simpang 4 aku pan alu U-Turn. Amat munyi ko kaban aku nyak gak, udah meda Shell Station alu ia meh nyak Snow Bites. Aku pun alu masuk parking ka kereta ba tempat nang udah disedia ka.

Apoo..tekenyit aku meda. Malam-malam pun agik bisi gak orang nuchi kereta. Bisi gak sekeda orang benung ngirup..ai nama enda gak aku nemu. Puas aku ka berati ka tempat tu, diak kawan aku alu nyambut penatai aku..Hai bro nama berita? Lama enda meda ko ia. Aku pun nanya utai ka sama ngagai ia alu betabik jari.

Dah nyak ia alu becherita madah ngagai aku, nama tempat tu ka bendar ia. Nyak ia madah tempat tu alai orang service nuchi kereta. Ia dibuka sampai tengah malam. Ia ka temu aku, bedau agik bisi tempat service nuchi kereta buka malam alu nyentuk ka tengah malam. Engka bisi kini? Enda gak aku nemu. Kawan aku nyak pan alu becherita agik madah enti service nuchi kereta malam, rega ia lain agik banding enggau siang ari. Kelimpah ari service nuchi kereta, tempat tu mega bisi alai endur kitai makai enggau ngirup. Ia bisi nyedia ka kafe (Bites Cafe), macam-macam meh ai enggau pemakai ka bisi diak. Ai milo, kupi, ai semetak pan bisi mega. Malam ari ko ia, sidak bisi serve manuk pansuh..fuhh..nyamai tu ko aku dalam ati din..hehe..

Ari segi decoration tempat tu nang amat manah. Aku nang muji. Mayuh buluh betong terpaksa dikorbankan kena ngaga dinding cafe tu. Rindu meda style tempat tu..engka agik baru kini, nyak kebuah mata rindu meda. Tempat tu baru udah dibuka kira sebulan lebih udah munyi ka dipadah kawan aku nyak. Emm..nang manah ko aku madah agai ia. Cafe tu didinding setengah ajak, nyadi angin sepoi-sepoi bahasa ulih tama ngambik ka enda angat.

Tempat tu peda aku nang strategic, tisi jalai besai ari MJC ke Bt 3. Dahlah kereta ba tempat tu endang mayuh kuang kuit ari pagi nyentuk ka dini ari. Emm..cun amai..Nyadi ba baruh tu bisi sekeda gambar ka sempat diambik aku ngena talipaun bincing aku. Minta ampun laban gambar enda entu terang.

Signboard ba simpang masuk ke tempat tu (Snow Bites and Bites Cafe)

Senarai rega service nuchi kereta..ari kereta mit datai ka kereta besai enggau macam-macam service ka disedia. Ari nuchi sampai polich pan bisi.

Sekeda ari kereta ka benung berintai nganti dicuci ba malam ari.

Haha..tu ia. Sekeda ai semetak ka bisi alu tauk ditabas engau manuk pansuh..fuhh nang cun ahh

Bala sidak benung nuchi kereta...malam ari g nyak..

Tu gaya Bites Cafe nyak..open air..

Bites Cafe bisi nyedia ka macam-macam utai diempa..

Service nuchi kereta malam ari tu nang manah alu meri peluang ngagai bala ka bisi kereta nuchi kereta sidak ia enti enda sempat lebuh ka siang ari. Laban kitai sama nemu, kadang-kadang siang nyau enda sempat ketegal ka sibuk mayuh kerja ka patut diadu. Nyadi enggau tempat baka tu meri peluang agai orang ka empu kereta nuchi kereta sidak ka kamah.

Naka tu dulu gak..mayuh udah cherita aku tu. Ngagai bala kitak ka bisi mansa ruai aku tu ya ke ka nguji nuchi kereta tauk meh ngagai tempat tu. Aku tu semina nulung kaban-kaban kitai ajak. Nulung bansa diri empu gak hehee..Peace No War..

Emmenuel Caine Ejau

Emmenuel Caine Ejau, tu meh nama orang ka baru ba pengidup aku enggau bini aku taun tu. Aku meri semua puji enggau besai ngagai Tuhan laban udah meri hadiah ti paling manah sepemanjai pengidup kami duai sebilik. Noel tu meh 'first child' dalam pengidup kami duai. Ia ada di Hospital Daerah Betong kena ka 23hb Mac 2009 tu tadi. Ketegal tu meh, laban ke cuti nyak ruai aku tu nyau lama enda diabas aku (update).

Ia ada kena jam 10.31 malam enggau pemerat 3.45kg. Nyadi cukup pengaga meh ati aku laban bini aku udah ngada ka Noel tu enggau selamat. Thanks to God. Diatu seduai ia enggau bala entua aku di Betong. Nyadi apai ia tu kediri lonely di menua mayau tu. Ka pan enda ka nitih periuk asi. Tang aku udah bisi nguji minta pindah ngagai menua Betong ngicha ka ulih begulai enggau seduai menyanak. Ngarap ka buleh meh, sabar nganti. Arap ka bisi bulih kaban baru di menua Betong ila enggau begulai betundi. Nyadi ditu bisi sekeda gambar Noel ka sempat diambik aku.

Gambar pintu Wad Besalin pun ka diambik gambar hehee...kenangan nyak deh

Tu gambar Noel masuk 23 hari...miss my baby huhu

Sepiak nyin ucu aku...dah niki pangkat ku tu..anak buah Noel gak. Ia ada tangkah 3 jam jak ari Noel ada kena 24hb Mac 2009

Tu gambar ia benung mancal, jari nyau baka orang ka ngayuh perau..

Huhh...nyamai mai tinduk...nama enda mimpi Noel tu...

Hahaha...steady mai tupi ia neh...baka nama peda kitak..

Umur ia baru 3 ari...baru udah diberi indu misi mandi...

Nyadi naka tu dulu meh cerita ke ka dikunsi aku enggau bala kitak ka bisi mansa blog aku tu. Nganti betemu baru ba randau bukai..Peace No War..

Highlands of Borneo (Bario & Bakalalan)

Bario enggau Bakalalan? Sebut jak dua iti nama tempat tu, nadai siko orang enda kala ningga tauka ba becherita tempat tu. Menua tu tebilang ketegal sejarah, pemanah rampa menua, adat budaya serta antara tempat etnik Bumiputera (Lun Bawang) ka bisi di menua Sarawak.

Bario kelebih agik dikelala enggau nama "Kelabit Highlands" ba menua pegai Bahagian Miri lalu Bakalalan pegai Bahagian Lawas. Kedua-dua menua tu enda jauh ari sempadan menua Sarawak enggau Kalimantan Barat. Semina siti cara ajak kitai ulih ngenatai ka diri agai menua Bario tu ianya ngena bilun "twinotter". Kelimpah ari nyak mega, kitai suah ningga pasal beras Bario. Siti ari produk tauka hasil ka dikeluar ka enggau cara betanam. Nyadi nitih ka cherita orang ka empu menua, padi Bario tu ditanam ba tempat ti tinggi lalu nadai ngena baja kimia tang baja organik. Pemulai aku ari menua Bario tu aku bisi meli segantang beras Bario nyadi ka buah tangan dibai pulai ngagai bala aku di Kuching ngambik ka sama ulih ngasai beras tu.

Nyadi Bakalalan mega bisi siti produk tauka hasil utai tanam ianya buah epal. Engka kala kitai ningga pasal Bakalalan Epal Festival ia ka diadu ninting taun di menua tu. Festival tu dikena ngerami lebuh maya sidak ka ngumpul buah epal ka udah mansau. Macam-macam pengawa bukai mega bisi diadu maya pengerami tu. Lalu mega, kitai kala ningga berita pasal Bakalalan tu lebuh maya bebabi bilun engkabang labuh maya ka mai niang YB. Dr. Judson Tagal enggau bala ia suba. Nyadi ba baruh tu bisi sekeda gambar ka sempat diambik aku maya ka nemuai ngagai dua iti menua tu enggau ADUN Bakalalan, YB Nelson Balang Ringin, Pengurus Besar MTPN Hj Tuah Jais, CEO Sarawak Tourism Board, Mdm Gracie, Encik Hendry Wong bos ari Kementerian Pelancongan Malaysia serta bala ka bukai.

Penatai kami ba Bario disambut ngena adat budaya sidak bansa Lun Bawang. Kami diberi "welcoming drink" ianya jus nanas ka disedut ngena straw terus ari dalam buah nanas tu..emm manis

Bisi sekeda begiga ka ikan sebelah parit endur betanam ka padi

Giant Orkid. Orkid tu nang cukup besai sekeda ari utai tumbuh ba bisi di menua Bario ba mua rumah

Udah kami ka datai, terus kami sebuat dibai ngagai rumah panjai asal di Bario lalu disambut enggau tanda ka berintai-rintai tu..hehe enda nemu ku nama tanda tu..

Agik ngena cara lama lebuh ka berapi enggau bedaing laban ka menua tu cukup chelap. Lebuh maya penatai aku tu suba sidak madah ka refilled tong gas cukup mar RM180 setong..fuhh...

Gambar temuai ka bisi bemalam ba lodging house di Bario...benung rilek-rilek sambil nuntum rimau hehe..

Tempat peninduk ka bisi disedia ngagai temuai ngena rega ka patut..

Nya..enggai ka kumbai kitak bula..peda pemesai orkid tu....

Gambar lama ka diambik baru ngena kamera aku...bala-bala warrior kini...

Siti rumah ka bisi rampa ti manah..

Tu mega orkid tang enda besai baka ka diatas..

Rampa endur sidak betanam ka padi....gambar maya agik tumu pagi. Lebuh maya ka mandi pagi bisi sekeda bala kami enda temandi ka diri laban ai sungai ba menua tu cukup celap..Udah sari semalam ka di Bario kami lalu mupuk ngagai Bakalalan ngena 'twinotter" kira-kira 10 minit ari Bario.

Tu gambar bala indu dara di Balakalan ngena kepan sidak nyambut penatai bala kami.

Hehe...sampai Bakalalan Airport dah...ujan mesik-mesik maya nyak...

Tu mega bala ka bisi nyambut kami ngena pakaian tradisional sidak

Enti enda salah ingat aku tu Penghulu Jala, apai enggu indai Dato Sri Idris Jala...

Sekeda buah ba bisi ditanam ba menua tu..

Bunga Matahari...manah endar maya benung ngerembai ba tengah ari..patutlah ari panas hehe

Best...buah epal Bakalalan..tapi rugi laban enda ulih nyepi laban bedau mansau..huhu

Aplle Logde..tu meh tempat kami diau maya di Bakalalan. Apple Logde tu diempu bala niang YB Dr. Judson Tagal

Ladang buah limau mandarin...haa...buah tu baru ulih diempa kami maya nyak...Emmm cukup manis..ngambik ba diri ari pun...

Tu meh Balakalan Airport..ba belakang nyin meh ladang buah epal enggau buah limau..

Nyadi kira semalam udah di Bakalan, pagi kami mupuk mulai ka diri ngena darat jalai balak ngagai Lawas. Pejalai kami lebuh nyak kira-kira 7 jam lalu macam-macam penanggul ka bisi nyadi. Lebuh dalam pejalai tu lebih 10 kali moto kami tesangkut ba jalai lucak..Gambar tu maya fourwheel kami lekat ba tanah lucak..hehe eksen ajak ka narit ka bendar nyak

Kami singga enda lama ba Merarap Hotspring Resort di Lawas.

Benung ka takeoff dalam "twinotter". Aku ngambik penuduk di belakang sekali...

Fuyoo...peda gambar jalai tu...lekat baru gak moto kami ditu..enda ulih niki bukit...fuhhhh nasib bala driver mayuh pengelandik...

Merarap Hotspring Resort..kolam ai angat tau endur kitai berendam..

Nyadi tu meh sekeda ari cherita lebuh aku ka bisi peluang ngagai Bario enggau Bakalalan. Mayuh gak penemu baru ka diulih lebuh ka bejalai ngagai menua orang. Kitai ulih meda cara idup, adat, budaya enggau rampa menua tik chukup manah. Naka tu dulu meh nganti kitai betemu baru ila. Mayuh agik cherita pejalai penemuai aku ngagai menua orang sekumbang ka gawa ba ditu. So, ...Peace No War...