Thursday, April 16, 2009

Emmenuel Caine Ejau

Emmenuel Caine Ejau, tu meh nama orang ka baru ba pengidup aku enggau bini aku taun tu. Aku meri semua puji enggau besai ngagai Tuhan laban udah meri hadiah ti paling manah sepemanjai pengidup kami duai sebilik. Noel tu meh 'first child' dalam pengidup kami duai. Ia ada di Hospital Daerah Betong kena ka 23hb Mac 2009 tu tadi. Ketegal tu meh, laban ke cuti nyak ruai aku tu nyau lama enda diabas aku (update).
Ia ada kena jam 10.31 malam enggau pemerat 3.45kg. Nyadi cukup pengaga meh ati aku laban bini aku udah ngada ka Noel tu enggau selamat. Thanks to God. Diatu seduai ia enggau bala entua aku di Betong. Nyadi apai ia tu kediri lonely di menua mayau tu. Ka pan enda ka nitih periuk asi. Tang aku udah bisi nguji minta pindah ngagai menua Betong ngicha ka ulih begulai enggau seduai menyanak. Ngarap ka buleh meh, sabar nganti. Arap ka bisi bulih kaban baru di menua Betong ila enggau begulai betundi. Nyadi ditu bisi sekeda gambar Noel ka sempat diambik aku.
Gambar pintu Wad Besalin pun ka diambik gambar hehee...kenangan nyak deh
Tu gambar Noel masuk 23 hari...miss my baby huhu

Sepiak nyin ucu aku...dah niki pangkat ku tu..anak buah Noel gak. Ia ada tangkah 3 jam jak ari Noel ada kena 24hb Mac 2009

Tu gambar ia benung mancal, jari nyau baka orang ka ngayuh perau..

Huhh...nyamai mai tinduk...nama enda mimpi Noel tu...

Hahaha...steady mai tupi ia neh...baka nama peda kitak..

Umur ia baru 3 ari...baru udah diberi indu misi mandi...
Nyadi naka tu dulu meh cerita ke ka dikunsi aku enggau bala kitak ka bisi mansa blog aku tu. Nganti betemu baru ba randau bukai..Peace No War..



5 comments:

  1. Tahniah unggal. Nyau nyadi bapa diatu nih.

    ReplyDelete
  2. thank you KJ..nyak meh bru lanskop. diatu..hehe..

    ReplyDelete
  3. wahhh cougrate Brooo..badu nama nn Bujang Lanjau gik..tukar Apai Noel or Apai Lanjau kan...*cayang baby Noel lok*kiut mai..manah acuan kena nn tok bro hehehe

    ReplyDelete
  4. thanks indulala...haha..nyak meh d kangau org ila..apainoel gak hahaha

    ReplyDelete
  5. Congrats on your first born, a childbirth is a miracle, a gift from God.

    Ngajih ke agi bisi udah tu ila, anang mina siko dua, laban kitai Iban diatu jarang ka mayuh anak, enda baka bansa bukai.

    ReplyDelete